Токио-2020" олимпын наадамд амжилттай оролцсон тамирчдад шагнал, урамшуулал олгох талаар Монголын Биеийн тамир спортын хорооны дарга Ц.Шаравжамц мэдээлэл хийлээ. 

Монголын Биеийн тамир спортын хорооны дарга Ц.Шаравжамц "Олимпын наадамд медаль авсан тамирчдаа байраар урамшуулах шийдвэрийг Засгийн газраас гаргасан. Мөн тэд сар бүрийн урамшууллаа 2022 оны нэгдүгээр сарын 01-нээс эхэлж авна. Олимпын наадамд оролцсон тамирчдын сүүлийн бүрэлдэхүүн наймдугаар сарын 11-нд ирсэн. УОК-оос 14 хоногийн гэр хорионд байхыг зөвлөсөн.

 

Сүүлд ирсэн тамирчдын тусгаарлалтын хугацаа энэ сарын 25-нд дуусна. Тухайн өдөр 10.00 цагаас Монгол Улсын Ерөнхийлөгч тамирчдыг хүлээн авч, цол гардуулна. Мөн 12.30 цагаас Монгол Улсын Ерөнхий сайд хүлээн авч, шагнал байрны асуудлыг шийдэхээр товлосон юм" гэж мэдээллээ. 

Г.Мичид