Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.04.12/ хийлээ. 

ЭМЯ-ны Хэвлэлийн төлөөлөгч Б.Ууганбаяр: 

-Сүүлийн 24 цагийн хугацаанд 13591 хүнээс шинжилгээ авахад 704  хүнд коронавирус илрэв. Ингэснээр манай улсын нийт батлагдсан тохиолдол 15718  боллоо. Шинээр батлагдсан тохиолдлын   598  нь Улаанбаатар хотод, 106 нь орон нутагт бүртгэгдсэн  байна. Тодруулбал, Төв аймагт 28, Хөвсгөлд 3, Завханд 1, Ховд аймагт 7, Архангай 3, Баянхонгорт 6, Өвөрхангайд 7, Дундговьд 9, Сүхбаатарт 9, Дорнод 1, Сэлэнгэд 8, Дархан-Уулд 8, Орхонд 16 тохиолдол  тус тус бүртгэгджээ.

Мөн сүүлийн 24 цагийн хугацаанд 357  хүн эдгэрч, эмнэлгээс гарсан. Ингэснээр нийт эдгэрсэн хүний тоо 9516 болж байна. Харамсалтай мэдээ. Коронавирусийн халдварын улмаас гурван хүн нас барлаа. Ингэснээр халдварын улмаас нас барсан хүний тоо 25 болж байна.  Өнөөдрийн байдлаар 2637 хүн эмчилгээнд байгаа. Биеийн байдлыг үнэлбэл, 1912 хүн хөнгөн,588  хүндэвтэр , хүнд 118, маш хүнд 19 хүн байна.