Засгийн газраас цаг үеийн асуудлаар мэдээлэл хийж, сэтгүүлчдийн асуултад хариуллаа. 

Эрүүл мэндийн сайд С.Энхболд: 

-Синофарм үйлдвэрийн Вероселл вакцины хоёр дахь тунг 28 хоногийн хугацаанд хийх заавар өгсөн. Гэхдээ бидэнд олон хүнийг вакцинд хамруулах шаардлага байгаа тул хөл хорионы үед 60-аас дээш насны эрсдэлтэй, архаг хууч өвчтэй ахмад настнуудыг гэрээр нь вакцинжуулахаар явуулын багаар дамжуулан дархлаажуулахаар төлөвлөж байна. Нийслэлийн хэмжээнд 50-аас дээш насны 260 мянган иргэн байгаа. Үүнээс 50 хувь орчим нь вакцинд хамрагдсан.

Бид хамгийн түрүүнд эрсдэлтэй, зорилтот бүлгээ вакцинжуулах ёстой. Ингэж байж халдварын эрсдэлээс тухайн иргэдээ хамгаалж чадна гэж үзэж байгаа. 

М.Насан