МҮХАҮТ-аас үндэсний үйлдвэрлэгч, бизнес эрхлэгчдэд зориулсан ОХУ-ын зах зээлд адууны мах экспортлоход анхаарах зүйл, зохицуулалт, хорио цээрийн журам, гаалийн бүрдүүлэлт зэрэг мэдээлэл, зөвлөмжийн гарын авлага бэлтгэн гаргасан байна.

Цахим хэлбэрээр өөрийн сайтад оруулна гэжээ. ОХУ-ын зах зээлд адууны мах экспортлоход 38 төрлийн тарифын бус зохицуулалт шаардагддаг байна. Эдгээрээс 33 нь эрүүл ахуй, хорио цээрийн шаардлагыг хангахтай холбоотой зохицуулалт аж.

Манай улс 2016 оныг хүртэл нийт адууны махны эскпортын дийлэнхийг ОХУ руу гаргаж байсан бол 2018 оноос Хятад руу давамгайлах болсон байна. Харин одоо хойд хөрш рүү экспортыг нэмэх бодлого барьж эхэлжээ. Үүнтэй холбогдуулан дээрх гарын авлагыг эмхэтгэсэн байна.