Үндэсний уул уурхайн компани "Энержи Ресурс" 2019 онд Монгол Улсын нийгэм, эдийн засагт хамгийн өндөр хувь нэмэр оруулсан ТОП-100 аж ахуйн нэгж шалгаруулалтын эхний 5-д дахин бичигдлээ. Үүнд, 2019 оны борлуулалт, татвар төлөлт, нийгмийн даатгалд хамруулсан ажиллагсдын тоо зэрэг гол үзүүлэлтүүдээр ТОП 10-д жагссанаар,  ийнхүү хувийн хэвшлийн тэргүүлэгч аж ахуйн нэгжийн байр сууриа хадгалсан байна. Тус компанийн хувьд өнгөрсөн жилүүдэд ТОП 100 шалгаруулалтанд тогтмол эхний байруудад бичигдэж ирсэн.

Монгол Улсын Засгийн Газар, Монголын Худалдаа Аж Үйлдвэрийн Танхим ТОП-100 аж ахуйн нэгжийн талаарх мэдээллээс харвал "Энержи Ресурс" компани өнгөрсөн онд, нийт 627 сая ам.долларын борлуулалт хийж, 329 тэрбум төгрөгийн татвар хураамжийг улсад төлснөөс гадна 2,096 ажилтныг ажлын байраар хангасан байна.