Уул уурхайн яамнаас ээлжит мэдээллээ хийж байна.

"Эрдэнэс Тавантолгой" компанийн гүйцэтгэх захирал Б.Ганхуяг:

-"Эрдэнэс Тавантолгой" компани иргэддээ ногдол ашиг олгохоор боллоо. 2016 он хүртэл компани алдагдалтай ажиллаж байсан. Өр, төлбөрийг өнгөрсөн хугацаанд төлж, 2 сая 511 мянган хувьцаа эзэмшигчдэд ногдол ашиг олгоно. 

1072 хувьцаатай 1 сая 80 мянган иргэн байна. 700 хувьцаатай  иргэд 63 мянган төгрөгийн ногдол ашиг авна. 2 сая 511 мянган иргэн хувьцаа авна. Эхлээд хувьцаа эзэмшигчдэдээ бүртгэнэ. Хувьцаа эзэмшигчдийн ТУЗ хурал болно. Ногдол ашгийг 2020 ондоо багтаан болгоно. Тавдугаар сараас ногдол ашгаа олгоно. Дөрөвдүгээр сарын 17 хүртэл иргэдээ бүртгэнэ. Онлайн хэлбэрээр бүх бүртгэл явагдана  хэмээн мэдээлээд сэтгүүлчдийн асуултад хариулав. 

-Яагаад ашгаа хөрөнгө оруулалтад зарцуулахгүй талхны мөнгөнд явуулж байна вэ?

УУХҮ-ийн сайд Д.Сумъяабазар:

-Хөрөнгө оруулалтын ажлаа ч хийж байна. Компанийн ногдол ашгаа ч хуваарилж байна. Иргэн хүндээ хөрөнгө оруулалт хэлбэрээр очиж байна. 

"Эрдэнэс Тавантолгой" компанийн гүйцэтгэх захирал Б.Ганхуяг:

-Энэ шийдвэр мөнгө тарааж байгаа биш. Ногдол ашиг олгож байна. Ашгийн дараах үр ашиг гэж ойлгохыг хүсч байна. 

Н.Энх