Монгол Улсын 3х3 сагсан бөмбөгийн Үндэсний шигшээ баг дэлхийн сагсан бөмбөгийн өнгийг тодорхойлогч Серби, Словен улсад хамтарсан бэлтгэл, тэмцээнд оролцлоо. Өчигдөр Сербийн “Земун”, Канадын шигшээ багтай тоглолт хийснээр манай баг 21 хоногийн бэлтгэлээ дуусгав.

“Токио-2020” олимпийн наадмын эрх олгох тэмцээн ирэх гуравдугаар сарын 18-22-нд Энэтхэгийн Бангалор хотод болох бөгөөд олимпийн эрх олгох энэхүү тэмцээний гол бэлтгэлээ Европт хангасан юм. Манай багийн бүрэлдэхүүнд дасгалжуулагч С.Тулга, тамирчнаар ОУХМ Д.Дэлгэрням, Э.Дөлгөөн, А.Гансүх, Г.Цэнгүүнбаяр, Э.Цэрэнбаатар, А.Ананд нар явжээ.

Ц.Ганбат