Монголын жүдо бөхийн шигшээ багийнхан 2020 оны эхний олон улсын тэмцээндээ өнөөдөр мордоно. Хоёрдугаар сарын 8-9-нд Парист болох “Их дуулга” тэмцээнд 122 орны 766 жүдоч оролцох бөгөөд манай улсаас 21 хүнтэй баг оролцохоор бэлтгэл сургуулилтаа хангаж байна.

Багийн бүрэлдэхүүнийг танилцуулвал:

Эмэгтэй. 48 кг-ийн жинд дэлхийн аварга М.Уранцэцэг, ОУХМ Г.Наранцэцэг, 52 кг-д Б.Хорлоодой, Л.Сосорбарам, 57 кг-д олимпийн мөнгөн медальт, дэлхийн аварга Д.Сумьяа, 63 кг-д ОУХМ Б.Ганхайч, 70 кг-д Ц.Наранжаргал, -78 кг-д О.Мөнхцэцэг,

Эрэгтэй. 60 кг-ийн жинд ОУХМ Л.Өнөбoлд, ДАШТ-ий мөнгөн медальт Д.Амартүвшин, 66 кг-д ОУХМ Г.Хэрлэн, Ё.Басхүү, 73 кг-д ДАШТ-ий хүрэл медальт Г.Одбаяр, ОУХМ Ц.Цогтбаатар, 81 кг-д О.Ууганбаатар, Н.Дагвасүрэн, 90 кг-д Г.Алтанбагана, -100 кг-д ДАШТ-ий хүрэл медальт Л.Отгонбаатар, +100 кг-д олимпийн аварга Н.Түвшинбаяр, ДАШТ-ий хүрэл медальт Ө.Дүүрэнбаяр.

Манай жүдочид тус тэмцээний дараа Парист хамтарсан бэлтгэлд оролцоод Дюсселдорфийн “Их дуулга” тэмцээнд хүч үзнэ.

М.Бүүвэй