Японы мэргэжлийн сүмо бөхийн 69 дэх аварга, Монгол Улсын хөдөлмөрийн баатар Хакүхо М.Даваажаргалын нэрэмжит “Hakuho cup-2020” тэмцээн Японд болов.

Энэхүү 10 дахь удаагийн тэмцээнд 14 орны 1133 тамирчин долоон насны ангилалд өрсөлдсөн бөгөөд Монгол Улсын бөхчүүд нэг алт, нэг мөнгө, гурван хүрэл медаль хүртжээ. “Хакүхо цом”-ын ахлах нас буюу 13-15 насны ангилалд 352 бөх барилдсанаас монгол сүмоч хүү А.Сосорхүү, Б.Баярболд нар түрүү булаалдсан байна. Аваргын төлөөх уг барилдаанд Японы Тоттори Жохокү сургуулийн сурагч А.Сосорхүү түрүүлж, Б.Баярболд үзүүрлэлээ. Мөн 10 насны ангилалд (160 бөх барилдсан) Г.Доржцэрэн, 11 насны ангилалд (182 сумоч) А.Адитяа, багийн барилдаанд Монголын бөхчүүд тус тус хүрэл медаль хүртэв. “Hakuho cup-2020” тэмцээний багийн аварга шалгаруулах барилдаанд 168 баг оролцжээ.

М.Бүүвэй