Биатлоны ДАШТ-д Монголын тамирчин Э.Ариунтунгалаг оролцох болзлоо хангасан тухай Монголын биатлоны холбооноос мэдээлэв.

Энэ удаагийн ДАШТ нь хоёрдугаар сарын 13-23-нд Италийн Антхолц хотноо болно. Биатлоны ДАШТ-д зөвхөн болзол хангасан тамирчин оролцдог "хатуухан" спорт билээ. Түүнчлэн нэгдүгээр сарын 26-нд Швейцарийн Ленцерхайде хотноо эхэлсэн биатлоны өсвөр үе, залуучуудын ДАШТ-д Монголын биатлончид оролцож байна. Залуучуудын ангилалд манай эрэгтэй биатлончид 3х7,5 км -ийн багийн буухиа уралдаанд оролцон, 25 орноос 21-д оржээ. Манай багийн бүрэлдэхүүнд Э.Энхсайхан, Б.Тайванбаатар, Б.Далхсүрэн нар уралдсан бөгөөд Хорват, Серб, Грек, Швейцарийн багийг ардаа хийжээ.� Өсвөр үе, залуучуудын ДАШТ ням гаригт өндөрлөх юм.

Ц.Ганбат