Увс аймгаас төрж гарсан харьшгүй хүчит аваргуудын нэрэмжит "Увс нуур" цомын барилдааныг ирэх арваннэгдүгээр сарын 8-10-нд аймгийн спортын ордонд зохион байгуулахаар болжээ.

Тус барилдааны ерөнхий ивээн тэтгэгчээр "Келсо центр" ХХК, зохион байгуулагчаар Увс аймгийн Засаг даргын тамгын газар, аймгийн БТСГ, аймгийн Үндэсний бөхийн холбоо хамтран ажиллана.

Монгол бөхөө шимтэн сонирхдог эрхэм үзэгчид, талархан дэмждэг түмэн олон та бүхнийг өргөнөөр очиж сонирхохыг урьжээ.

Увс нутгаас ардын төрийн наадамд 10 удаа түрүүлсэн дархан аварга Х.Баянмөнх, төрийн наадамд нэг удаа түрүүлж, хоёр удаа үзүүрлэсэн улсын аварга О.Балжинням, 90 жилийн ойн наадмаар 1024 бөхөөс түрүүлж шууд улсын аварга цол хүртсэн С.Мөнхбат, 2014 болон 2018 оны наадмын түрүү бөх Н.Батсуурь нарын дөрвөн аварга төрсөн билээ.

Ц.Ганбат