Монголын жүдо бөхийн үндэсний шигшээ багийн дасгалжуулагч нар бүрэн бүрэлдэхүүнээрээ ажлаа өгсөн талаар бид мэдээлсэн. Тэд жүдо бөхийн ДАШТ-нд амжилт гаргаагүй хариуцлагыг үүрч, ард түмнээс уучлан гуйж, ажлаа өгч буй нь энэ аж.

Монголын жүдо бөхийн холбооны Ерөнхий нарийн бичгийн М.Бөхбат: Саяхан Монголын жүдо бөхийн холбоо 2015 оны ДАШТ-ний үр дүнгийн тайлангийн хурлаа хийсэн. Энэ тэмцээний бэлтгэл сургуулилтад хайнга хандаж, олон зүйлийг хийж чадаагүйд харамсаж байна. Энэ тэмцээнд манай баг ард түмний хүсэн хүлээж байсан амжилтыг гаргаж чадаагүйд өөрийн болон холбооныхоо нийт гишүүдийн өмнөөс уучлал гуйж байна. Бид нэлээд ажлыг хийсэн ч олимпийн өмнөх ДАШТ-нд хариуцлага алдаж, амжилт гаргаж чадсангүй. Тиймээс миний бие болон үндэсний шигшээ багийн багш дасгалжуулагчид огцрох саналаа өгч байна. Энэ хугацаанд Монголын жүдо бөхийг дэмжсэн бүхэнд баярлаж, талархсанаа илэрхийлье. Та бүхний итгэлийг алдсандаа харамсаж байна.

Шигшээ багийн ахлах дасгалжуулагч О.Балжинням: 2019 оны ДАШТ-ээс манай тамирчид ард түмний хүсэн хүлээсэн алтан медалийг авч чадаагүй. Хүрэл медаль авсан. Тиймээс шигшээ багийн нийт багш, дасгалжуулагчид бүрэн бүрэлдэхүүнээрээ ажлаа өгч, ард түмнээсээ уучлал хүсч байна.

Б.Энэрэл