ОХУ-ын Екатеринбург хотноо сонирхогчдын боксын эрэгтэйчүүдийн ДАШТ есдүгээр сарын 9-21-ний хооронд зохион байгуулагдана. Энэ удаагийн ДАШТ-д түүхэнд хамгийн олон тамирчин буюу 91 орны 488 тамирчин оролцох ба тэмцээн хамгийн олон хоногийн турш болж байгаагаараа онцлогтой.

Олимпийн шинэчилсэн жингээр явагдах тус тэмцээнд манай улсаас 8 тамирчин оролцохоор эх орноосоо мордлоо.

Багийн бүрэлдэхүүнд:

52 кг ОУХМ Х.Энхмандах 57 кг ОУХМ Э.Цэндбаатар (ОУХМ Х.Энх-Амар нөөц тамирчнаар) 63 кг ОУХМ Б.Чинзориг 69 кг спортын мастер Г.Баярхүү 75 кг спортын мастер Д.Давааням 81 кг ОУХМ Н.Шинэбаяр 91 кг ОУХМ С.Эрдэнэбаяр нар өрсөлдөнө. Багийн ахлагчаар Монголын боксын холбооны ерөнхий нарийн бичгийн дарга Ц.Батнасан, Шигшээ багийн ахлах дасгалжуулагч, Монгол Улсын гавьяат дасгалжуулагч Д.Батсүрэн, дасгалжуулагч ОУХМ Н.Баяраа, ОУХМ О.Батхүү, эмчээр Монгол Улсын гавьяат эмч Э.Энхбаяр нар оролцох юм.

Ц.Ганбат