Сод Монгол групп өнөөдрөөс шатахууны үнийг буулгаж эхэллээ. Тус компани өнөөдрөөс АИ92 шатахууны үнийг 50-60 төгрөгөөр буулгана гэдгийг менежер Баатарсүрэн хэллээ. Ингэснээр АИ92 шатахууны үнэ 1880-1890 төгрөгийн үнэтэй болох юм.

Тус компани өмнө нь дизелийн түлш болон АИ95 шатахууны үнийг 40 төгрөгөөр буулгажээ. Одоогоор "Сод Монгол"-ын шатахуун түгээх станцуудаар дизелийн түлш 2370, АИ95 шатахуун 2300 төгрөгөөр худалдаалагдаж байна.

ОХУ-ын Роснефть компаний Ангарский нефть, химийн үйлдвэрийн үнэ, Сингапурын бирж дээрх нефтийн үнэ буусантай холбоотойгоор шатахууны үнийг ийн буулгаж буйг Сод Монгол Группээс мэдээлж байна. 

Б.Болд