Олон улсын гандболын холбооны цомын аварга шалгаруулах ”TROPHY-2019” тэмцээнийг Боловсрол, соёл, шинжлэх ухааны яам, ОУ-ын гандболын холбоо, Монголын гандболын холбоо хамтран Улаанбаатар хотноо 2019 оны 05 сарын 06-10-нд Буянт-Ухаа спортын ордонд явуулж байна. Тэмцээнд Киргизстан, Монгол, Тажикстан, Туркменстан, Узбекстан зэрэг 5 орны 10 багийн 170 гаруй өсвөр үе /17 нас/ болон залуучуудын /19 нас/ насны охидын ангилалаар тамирчид оролцож байна.

Монгол Улсад хоёр дах удаагаа болж байгаа энэ тэмцээн 4 дэх өдрөө тойргийн системээр үргэлжлэн явагдаж байгаа ба одоогоор 17 ба 19 насны ангилалд аль алинд нь Узбекстаны баг тамирчид тэргүүлж Туркменстан, Монгол, Тажикстаны багууд удаалж явна. Шийдвэрлэх медалийн төлөө тоглолтууд 05 сарын 09-10-нд өглөө 09 ба 10 цагуудаас явагдана.

Олон улсын гандболын цомын тэмцээнийг олон нийтэд үнэ төлбөргүй үзүүлж байна. Тэмцээнийг ETV телевиз /etvhd.mn/ тэмцээний хуваарийн дагуу албан ёсны эрхтэйгээр шууд дамжуулан үзүүлсээр байна. Түүнчлэн Монголын гандболын холбоо/Mongolian handball federation фэйсбүүк хуудас болон тус холбооны www.handball.mn сайтаар төрөл бүрийн мэдээлэл, зургууд тавигдан гардаг. Мөн энэ тэмцээний мэдээлэлүүд олон улсын гандболын холбооны www.ihf.info сайт болон Asian handball federation фэйсбүүк хуудасаар дэлхийн 207 орон түүний дотор Азийн 45 улсад байнга сурталчлагдан, мэдээлэлүүд нь тавигдсаар байгаа билээ.

Дашрамд дурдахад тэмцээний техникийн төлөөлөгчөөр Хорватын иргэн Жосиф Посавик, Норвегийн И.Шестаков, БНСУ-ын иргэн, олимп, дэлхийн аварга Жонг Хо нар ажиллаж байгаа бол БНХАУ, Оман, Иран, Тайланд улсын 8-н олон улсын шүүгчид тэмцээнийг удирдан явуулж байна.

Тэмцээний дүн ба хуваарь: 

5 сарын 06-нд /Даваа гариг/

Монгол-Узбекстан (17 нас) 21:40 оноо

Узбекстан–Киргизстан (19 нас) 93:0

Tажикстан- Туркменстан (17 нас) 5:45

Туркменстан-Tажикстан (19 нас) 62:9

 5 сарын 07-нд /Мягмар гариг/

Киргизстан– Монгол (17 нас) 11:42

Mонгол- Узбекстан (19 нас) 21:48

Узбекстан-Tажикстан (17 нас) 58:4

Киргизстан-Туркменстан (19 нас) 4:67

5 сарын 08-нд /Лхагва гариг/ 

Tажикстан- Киргизстан (17 нас) 6:29

Туркменстан- Монгол (19 нас) 39:28

 Туркменстан-Узбекстан(17 нас) 22:37

Tажикстан- Киргизстан(19 нас) 26:14

5 сарын 09-нд /Пүрэв гариг/ 

10:00Киргизстан- Туркменстан (17 нас)

12:00    Mонгол –Tажикстан (19 нас)

14:00    Mонгол- Tажикстан (17 нас)

16:00   Узбекстан- Туркменстан(19 нас)

 5 сарын 10-нд /Баасан гариг/ 

09:00Туркменстан- Mонгол (17 нас)

11:00    Tажикстан- Узбекстан (19 нас)

13:00    Узбекстан- Киргизстан (17 нас)

15:00    Киргизстан–Mонгол (19 нас)

17:00   Хаалтын ажиллагаа, шагнал гардуулах ёслол

МОНГОЛЫН ГАНДБОЛЫН ХОЛБОО