Энэ сарын таванд Монгол бөхийн өргөөнд болсон Улсын арслан цолтнуудад хүндэтгэл үзүүлэх барилдааны үеэр Улсын харцага Б.Бат-Өлзий зохисгүй үйлдэл гаргасан. Тэрбээр барилдааны үеэр аймгийн арслан Э.Сумъяабатыг өшиглөж, бөх сонирхогч олны дургүйцлийг төрүүлсэн. Ингэж унасан бөхийн уурыг харуулсан харцага Б.Бат-Өлзий цахим хуудсаараа дамжуулан уучлал гуйжээ.

Тэрбээр "Сайн байцгаана уу? Би МУ-н харцага Б.Бат-Өлзий байна. 2019- 05-05-нд болсон Арслан цолтонд хүндэтгэл үзүүлэх барилдааны 4-ийн даваанд Булган аймгийн арслан Сумъяабаттай таарч барилдааны явцад миний тохой хүрсэн боловч дахин гуд татсан энэ үйлдэлд миний хувьд бухимдан, зохисгүй үйлдэл гаргасандаа Монголынхоо бөх сонирхогч нийт ард түмнээсээ уучлалт гуйж байна" хэмээн бичжээ.

Б.Болд