Монгол Улс анхдугаар Үндсэн хуулиа баталж, Бүгд Найрамдах Улсаа тунхагласны 94 жилийн ойн өдөрт зориулсан хүчит бөхийн барилдаанд улс, аймгийн алдар цолтой 128 бөх барилдав.

Энэ барилдаанд үзэгчдийг өндөлзүүлсөн барилдааныг зургаагийн даваанд хүч үзсэн улсын арслан Э.Оюунболд, улсын арслан Ц.Содномдорж нар үзүүллээ. Эн тэнцүүхэн хоёр хүчтэний хэн давах нь таавар хэвээр байсан бөгөөд барилдааны төгсгөлд Ц.Содномдорж суганд сэжих мэхээр Э.Оюунболдыг давж, уран барилдааныг харуулав.

Хоёр арслан өмнө нь 7 удаа таарч барилдсанаас Ц.Содномдорж таван удаа давж байжээ.