Монголын сагсан бөмбөгийн баг тамирчид анх удаа олимпийн төрлийн багийн спортоор Дэлхийн аварга шалгаруулах тэмцээнд өрсөлдөж байна.  Манай баг тамирчид шигшээ наймд үлджээ. 

Манай Улсын үндэсний сагсан бөмбөгийн баг тамирчид энэ сарын 8-12-ны өдрүүдэд Филиппин Улсад зохион байгуулагдаж буй ФИБА 3х3 Дэлхийн аваргын тэмцээнд оролцож буй юм. Манай 3х3 үндэсний шигшээ баг ОХУ, Бразил Филиппин, Канадын багуудтай тэмцээний “С” хэсэгт багтсан. Шигшээ багийн тамирчид өчигдөр /2018.06.11/  Бразил, ОХУ, Филиппин Улсын багийг хожиж хэсгээс гарах болзлоо хангажээ.

Ингэснээр манай Улсын баг тамирчид шигшээ наймд үлдээд байгаа юм. Тэд өнөөдөр Сербийн багтай тоглоно. Тоглолт 20 минутын дараа тун удахгүй эхлэх гэж байна.

Г.Тэгшсүрэн