Лондонгоос Умард Австрали руу цахилгаан хөдөлгүүртэй онгоцны уралдаан зохион байгуулах зорилтот төлөвлөгөөг Умард Нутгийн засгийн газар дэмжиж ажиллахаа мэдэгдэв.

Үүнийг 1919 онд Британиас Австрали руу гэсэн маршруттай зохиогдож байсан “Аугаа агаарын уралдаан”-ы 100 жилийн ойн хүрээнд зохион байгуулах саналыг бизнесмэн Дик Смит анх гаргасан юм. Тэрбээр шагналын сангийн 1 сая австрали доллар буюу 771000 ам.долларыг гаргахаа мэдэгдсэн юм. 100 шахам жилийн өмнө болж байсан уралдааны шагналын сан нь 10000 австрали доллар байсан байна.

Смит уг саналаа холбооны засгийн газрын дэмжлэгийг авахаар анхлан Үйлдвэрлэл, Худалдаа, Аж Үйлдвэр, Шинжлэх Ухааны Яаманд гаргасан боловч Грег Хант түүнд танхим уг уралдааныг дэмжин ажиллах боломжгүй гэсэн хариу өгсөн байна. Гэвч үүнээс жил 6 сарын дараа Майкл Ганнэр тэргүүтэй томоохон бизнесмэнүүд болон нөлөө бүхий хүмүүсийн дэмжлэгтэйгээр дахин сөхөгдөж ийнхүү бодит байдалд биелэлээ олоход ойрхон болжээ.

Ганнэр энэ долоо хоногт багтаан уралдааны товыг зарлана гэдгээ ч мэдэгдээв амжив.

Б.Энх-Амгалан