Пёнчан 2018 паралимпийн наадам 3 дугаар сарын 9-нд хөшгөө татаж, цэнгэлдэхүүд нь олимпийн наадмаас хойш түр амсхийсны дараа их үүдээ нээсэн. Өмнө нь паралимпийн наадмууд олны, тэр дундаа зорин очих үзэгчдийн анхаарлыг төдийлөн татдаггүй байсан бол энэ удаагийх өөр. Тухайлбал билет борлуулалтаар рекорд тогтоогоод байна. Өчигдрийн байдлаар 316 200 билет борлогдсон нь Сочигийн олимпийн рекордыг эвдсэн байна. Энэ талаар ОУОХ албан ёсоор мэдэгдсэн юм.

Яг одоогийн байдлаар Пёнчаны паралимпийн тасалбар борлуулалт 320 531 болжээ. Энэ нь Турин 2006 паралимпт борлуулсан 162 974 тасалбарыг нэг нугалсан амжилт гэж цохон тэмдэглэв. Олон Улсын Олимпийн Хорооны мэдэгдэлд “Паралимпийн түүхэн дэх тасалбар борлуулалтын дээд амжилтыг Пёнчан 2018 эвдсэн нь үнэхээр итгэмээргүй сайхан мэдээ боллоо. Гурван өдрийн дараах байдлаар БНСУ-ын баг тамирчдын амжилт гайхалтай сайн байгаа нь үүнд нөлөөлж байна. Дахиад 6 өдрийн арга хэмжээ үлдээд байгаа энэ үед билет борлуулалт улам өснө гэдэг эргэлзэхгүй байна” гэжээ.

Б.Энх-Амгалан