Дэлхийн хамгийн их орлоготой тамирчдын нэг болох Флойд Мэйвэйдэр саяхан өөрийн твиттэртээ нэгэн зургийг оруулсан нь олон нийтийн сонирхлыг их татсан. Тэрбээр төрсөн өдрөөрөө шинэ жэт онгоцтой боллоо гэсэн тайлбартай онгоцны зураг оруулсан юм. Үүнийг түрээслэсэн эсэхийг нь асуухад “Би түрээсэлж байгаа зүйлийнхээ зургийг оруулахгүй байсан” гэсэн хариултыг өгсөн байна.

Тэрбээр өөрийн 41 насны төрсөн өдөрт зориулж уг онгоцыг авсан бөгөөд энэ нь түүний гурав дахь хувийн онгоц юм. Сүүлийн 4 хүрэхгүй жилд тэрбээр ийнхүү 3 онгоц худалдан аваад байна. Уг онгоц нь доод тал нь 14 хүний суудалтай бөгөөд нислэгийн багийнхнийг оруулалгүйгээр бүтэн нэг баг аялах боломжтой юм. Тэрбээр “хэрвээ би түрээсэлж байгаа бол зургийг нь оруулахгүй байсан. Бид түрээсэлж биш, худалдаж авдаг юм” гэж TMZ-ийн сэтгүүлчийн асуултад хариулжээ.

Б.Энх-Амгалан