Энэ оны тавдугаар сарын 28-аас зургадугаар сарын 2-ны хооронд Австри улсад зохион байгуулдаг "Эрцберг родео" эндуро уралдаанд Монгол Улсыг төлөөлж 4 тамирчин оролцохоор бэлтгэл сургуулилтаа базааж байна. Энэхүү уралдаан нь дэлхийн бүх топ эндуро кросс мотоцикльчдын аваргууд буюу улс улсын урдаа барьдаг тамирчид оролцдог тэмцээн аж. Нийт 1500-1800 гаруй тамирчин оролцож гараанаас гарсан 500 тамирчин тутамд дээд тал нь 30 тамирчин л бариандаа орж чаддаг кросс уралдааны хамгийн хүнд төрлүүдийн нэг юм.

Өдөрт 4 цаг гаруйн хугацаанд уралдаан явагддаг бөгөөд элдэв төрлийн бартаа, шавар, дов толгод гээд маш хүнд байгалийн саадыг туулж барианд орохын тулд төөрч будилах, замаасаа гарах гэх мэт хүндрэлүүд их тулгардаг төрөл аж. Өөрөөр хэлбэл бартаат замын дакар ч гэж хэлж болох юм.

Б.Энх-Амгалан