Өнөөдөр Пёнчанд хоккейн эрэгтэйчүүдийн 1/8 шигшээ тоглолт явагдаж өндөрлөлөө. Тэмцээний гол фаворит гэгдэж байсан АНУ-ын шигшээ баг Чехийн шигшээ багт хожигдсон юм. Тоглолтын эхний хоёр үед хоёр баг 2, 2 шайбыг эсрэг багийн хаалганд шигтгэж чадсан. Гэхдээ шийдвэрлэх гуравдугаар үед аль аль нь гоол оруулж чадаагүй.

Улмаар нэмэлт цагт шилжсэн. Гуравдугаар үеийн адил энэ үед мөн л тоглолтын хувь заяаг шийдэх агшин тохиосонгүй. Ингээд торгуулийн цохилт гүйцэтгэж ялагчийг тодруулсан. Чехийн хаалгач Павел Франкуз эсрэг багийн 5 цохилтыг бүгдийг нь хаасан бол багийн анд Петр Коука нь торгуулийн цохилтоос амжилттай болгосон ганц цохилтын эзэн болов. Ингээд 3:2 харьцаатай Чехийн баг ялснаар хагас шигшээд тоглох эрхээ халаасалж байгаа бол АНУ-ын шигшээ баг үзэгчдийн суудалд шилжиж байна.

Б.Энх-Амгалан