АНУ-ыг төлөөлж уран гулгалтын бүжгийн төрөлд өрсөлдсөн ах дүү хослол болох Маяа болон Алекс Шибүтани нар хүрэл медаль хүртлээ. Уг төрөлд Канадын уран гулгалтын хос болох Тесса Виртү болон Скотт Моиер нар алтан медаль хүртсэн юм. Канадын хосын хувьд 2010 онд мөн түрүүлж, 2014 онд Сочид мөнгөн медаль хүртэж байсан билээ.

Харин Францын хос болох Габриэлла Пападакис болон Гуиллаумэ Цизерон нар Пёнчанд мөнгөн медалийн болзол хангажээ. Алтан медаль хүртсэн Канадын хос 206.7 оноо авсан бол Францын хос 205.28 оноо авлаа. Харин АНУ-ын хос болох ах дүүс 192.59 оноогоор хүрэл медаль хүртсэн юм.

АНУ-ын уг хосын хувьд өнгөрсөн долоо хоногт багийн тэшүүрийн төрөлд мөн хүрэл медаль хүртсэн юм. Харин тэднээс илүү медаль авах боломжтой гэгдэж байсан АНУ-ын нөгөө нэг хос болох Мэдисон Чок болон Эван Бэйтс нар үзүүлбэрийнхээ үеэр ноцтой алдаа гаргаснаар медалийн өрсөлдөөнөөс хасагдсан юм.

Б.Энх-Амгалан