Лонзо Болл бүх оддын тоглолтын дараа эргэн ирнэ. Өвдөгний арын шөрмөсөндөө бага зэрэг зовиуртай байгаа Лонзо Болл бүх оддын долоо хоногийн залуу оддын тоглолтод оролцох боломжгүй болсон байна. Түүний хувьд 14 тоглол дарааллан өнжөөд байгаа билээ. Түүнийг орлож ДэАарон Фокс залуу оддын тоглолтод оролцох юм байна.

Өдгөө 20 настай Фоксын хувьд энэ жилийн драфтын ангийн 5 дахь сонголтоор сонгогдож байсан билээ. Тэгвэл энэ улиралд тэрбээр 11.3 оноо,  4.3 ашигтай дамжуулалтыг дунджилж байгаа юм.  Ингэснээр залуу оддын тоглолтод оролцох гэж байгаа Сакремэнто Кингс багийн гурав дахь тоглогч болж байна. Бадди Хийлд болон Богдан Богданович гэсэн хоёр тоглогч нь залуу оддын тоглолтын дэлхийн багт багтаад байгаа билээ.

Б.ЭнхАмгалан