Өнгөрөгч амралтын өдрүүдээр Монголын таеквондогийн үндэсний шигшээ багийн тамирчид Индонези улсын Жакарта хотод олон улсын “18th Asian Games Invitation” тэмцээнд амжилттай оролцлоо. Эх орноо төлөөлж “Алдар” спорт хорооны 5 тамирчин, багш дасгалжуулагч Хур Ин Ён болон Н.Эрдэнэбаатар нарын бүрэлдэхүүнтэй уг тэмцээнд оролцсон юм.
Ингээд тэмцээний эхний өдөр эрэгтэйчүүдийн -58 кг-д өрсөлдсөн М.Түмэнбаяр хүрэл медаль хүртэж тэмцээний салхийг хагалсан бол цахим ертөнцөд “хөөрхөн” таеквондоч охин гэгдээд буй Б.Намуун эмэгтэйчүүдийн -53 кг-д хүрэл медаль хүртсэн.
Харин тэмцээний сүүлийн өдөр -68 кг-д тулалдсан Монголын тамирчин П.Тэмүүжин алтан медаль хүртсэн байна. Тэрбээр алтан медалийн төлөө Малайз улсын тамирчин Розали Розаймитай тулалдсан юм. Уг тулаанд тэрбээр өрсөлдөгчөө илт илүүрхэж 47:27 онооны харьцаатай буулган авсан. Ингээд түүний тулааны спорт сонирхогчдийг огшоосон тулааны бүтэн бичлэгийг толилуулж байна.
Б.Энх-Амгалан
| Уншиж байна |