Хойд Америкийн Үндэсний хоккейн лигийн Вегас Голден Найтс баг лигийн түүхэн амжилт байгууллаа. Өнөөдөр тэд Калгари Флэймс багтай тоглосон юм. Тоглолтын цаг дуусахад 2 минутын хугацаа дутуу байхад Голден Найтс 2:1 харьцаатай хожигдож явсан билээ. Харин тэд үлдсэн хугацаанд гайхамшгийг бүтээж 53 секундэд 3 гоол оруулснаар 4:2 харьцаатай ялалт байгууллаа. Ингэснээр тэд лигт тоглож буй анхны улиралдаа хамгийн олон ялалт авсан багуудын түүхэн амжилттай тэнцэж буй юм.

1993-1994 оны улиралд Флорида Пантэрууд болон Анахейм Майти Дакс багууд лигийн өртгөтгөлийн хүрээнд лигт элсэж 33 ялалт байгуулж байсан билээ. Харин улирал дуусахад 33 тоглолт үлдээд байгаа энэ үед Голден Найтс баг энэ амжилтыг эвдэх бүрэн боломжтой харагдаж байна.

Энэ жилээс уг лигт тоглож буй Голден Найтс баг лигийг тэргүүлэгчдийн хүснэгтэд Тампа Бэй багын ард 70 оноотойгоор нэхэж явна. Тэд зургаан тоглолтод зочноор буюу аялан тоглож байгаа бөгөөд эдгээр тоглолтуудынхаа хүрээнд Жэтс багтай тоглох юм.

Б.Энх-Амгалан