Энэ жилийн өвлийн Олимпийн наадамд Франц улсыг төлөөлж одоогийн байдлаар 99 тамирчин оролцохоор болоод байна. Эдгээрийг ахалж биатлоны тамирчин, Олимпийн алтан медальт Мартин Фүркад тэргүүтэй тамирчид оролцоно.

Франц улс өмнөх Сочигийн Олимпоор 15 медаль хүртэж байсны 4 нь алтан медаль байсан. Харин Фүркад 20 км-ийн ганцаарчилсан болон, 12.5 км-ийн пүрсүйт ангилалд тус тусалтан медаль хүртэхийн хажуугаар 15 км-ийн бөөн гараатай уралдаанд мөнгөн медаль хүртэж байсан юм. Тиймдээ ч энэ удаагийн Олимпийн наадамд Франц улсын тугыг барих тугчнаар сонгогдсон билээ.

Түүнээс гадна снөүбоордын тамирчин Пьер Волтьер, чөлөөт үзүүлбэрийн цаначин Жан Фредерик Шапюи нарын Олимпийн алтан медальтангууд Францын багт багтаад байгаа юм.

Одоогоор Олимпод оролцох 89 тамирчны нэр тодорхой болоод байгаа юм. Харин Франц улс Сочид 114 тамирчинтай оролцож байжээ. Тэгвэл энэ жил 108 тамирчин оролцох төлөвтэй байна гэж эх сурвалжууд мэдээлж байна.

Тодорхой болоогүй байгаа зарим спортын төрлийн тамирчид энэ долоо хоногт тодорхой болно гэж Францын Олимпийн хорооноос мэдээлэв.

Б.Энх-Амгалан