Дакар Ралли-2018 уралдааны 12 дахь өдөр Катар улсын нисгэгч Нассэр Эль Аттия түрүүлснээр энэ жилийн Дакарт гурав дахь түрүүгээ авлаа. Тэрбээр нийт 523 км замыг 5 цаг 49 минут 57 секундэд туулсан байна. Түүний араас Пежо багийн Петерхансель 2 минут 3 секундээр хоцорч барианд орлоо. Харин Тоёото багийн болон Өмнөд Африкийн бүгд найрамдах улсын тамирчин  Жинье де Вилльерс гуравдугаар байранд оржээ. Африк нисгэгчийн хувьд 4 минут 33 секундээр хоцорч орсон юм.

Пежо багийн нисгэгч, тэмцээнийг тэргүүлэгч Карлос Сайнц 18 минут хоцорч есдүгээр байраар барианы шугмыг давлаа. Хоёрхон өдрийн гараа үлдээд байгаа энэ үед Испани эр тэмцээнийг  нийлбэр цагаар тэргүүлсэн хэвээр байна. 45 минут хоцорч Петерхансель хоёрдугаар байранд явнэ. Харин Эль Аттия цаг гарнаар хоцорч гуравдугаар байранд явж байгаа юм.

Уг өдөр мотоцикл болон дөрвөн дугуйт ангилалд уралдаан болсонгүй. Зохион байгуулагчид цаг агаарын таагүй нөхцөл байдалтай холбоотойгоор эдгээр ангилалын уралдааныг цуцласан юм.

Б.Энх-Амгалан