Нидерландын дугуйч, Олимпийн мөнгөн медальт Елле ван Горком осолдож комд орсон байдалтай байна. Өдгөө 27 настай залуугийн хувьд Риогийн Олимпийн наадамд мөнгөн медаль хүртэж байсан юм. Тэгвэл тэрбээр Нидерландын Арнхэмийн ойролцоо Папэндалын спорт цогцолборт бэлтгэл хийж байх үеэрээ ийнхүү осолджээ.

“Ослын дараа түүний эмнэлэгт хүргэж өгсөн. Эхний оношоор хавирга хугарч, нүүрний гавлын яс цуурч зарим газраараа цөмөрсөн байна. Мөн элэг, дэлүү, бөөр зэрэг дотоод эрхтнүүд нь гэмтсэн аж. Мөн яг одоогийн байдлаар комд орсон байдалтай байна” гэж Нидерландын дугуйн холбооноос гаргасан албан ёсны мэдэгдэлд дурьджээ.

Б.Энх-Амгалан