Францын нисгэгч, дэлхийн 9 удаагийн аварга Себастьен Лёб Дакар Ралли-2018 уралдааны дөрөв дэх өдөр уг тэмцээний анхны ялалтаа байгууллаа. Ингэснээр Францын Пежо багийн гурван тамирчин шагналын тавцанд зогссон байна.

Лёб өөрийн багийн анд Карлос Сайнцаас минут 35 секундээр түрүүлж барианд орсон юм. Харин аваргаа хамгаалагч Стефан Петерансель түүнээс 3 минут гаран хоцорлоо.

Ингэснээр нийлбэр дүнгээр Лёб хоёр дугаар байрад орж ирээд байна. Тэрбээр хошуучлагч Петеранселиас 7 минутын зайтай мөшгөж яваа юм.

“Би гараануудад ялагдаад байвал нийлбэр  цагийн амжилтаа ахиулж чадахгүй. Тэгмээргүй байна. Элсэн манхан ихтэй, газрын зураг сайн уншдаг хүн хэрэгтэй, маш хүнд гараанд замаа тун амжилттай дуусгалаа. Гомдоллосон юм биш шүү” хэмээн Лёб Дакар Ралли-2018 уралдааны дөрөв дэх өдрийн гараанд түрүүлснийхээ дараа сэтгүүлчдэд ярьсан юм.

Харин мотоцикл ангилалд мөн л Франц нисгэгч Адриен Ван Беверен нийлбэр дүнгээр тэргүүлж байна. Өөрийн ямаха мотоциклтойгоо тэрбээр дөрөв дэх өдрийн гараанд мөн түрүүлсэн юм. Түүний араас багийн анд Хавиэр дэ Султрей 5 минутын зайтай нөхж явна. Харин тэдний араас долоон минут хоцорч КТМ багийн мотоциклч, Австрийн Маттъяс Уолкнэр бичигдэж байна. Британий тамирчин, аваргаа хамгаалагч Сэм Сандэрлэнд нурууны гэмтлийн улмаас уг өдөр өрсөлдөөнөөс хасагджээ.

Б.Энх-Амгалан