Монголын хөлбөмбөгийн холбоо FIFA.com буюу олон улсын хөлбөмбөгийн холбооноос гаргадаг шинэчилсэн чансаанд 2 байр ухарч 199 дүгээр байранд бичигдэж эхэллээ. Мөн энэ нь 2015 онд 201 дүгээр байранд эрэмбэлэгдэж байсныг эс тооцвол бүх цаг үеийн хамгийн доогуур чансаанд эрэмбэлэгдэж байгаа тохиолдол нь энэ юм. Монголын баг чансаагаар хамгийн өндөрт бичигдэж байсан нь 2011 онд 168 дугаар байранд орж байсан тохиолдол аж. Үүнээс хойш зургаан жилийн хугацаанд ийнхүү графикт харагдаж байгаачлан дандаа буурах графиктай харагдаж байна.

Энэ чансааг Германы баг 1602 оноотой тэргүүлж Бразилын баг 1483 оноотой удаалж байна. Харин гуравдугаар байранд Португалийн шигшээ оржээ. Уг чансаанд хамгийн олон байр урагшилсан улсаар Хойд Солонгос буюу БНАСАУ нэрлэгдсэн байна. Тэд 132 дугаар байрнаас 114 дүгээр байранд орж 18 байр ахижээ. Харин хамгийн олон байр доошилсон улс нь Лаос болж байна. Тэд 162 дугаар байрнаас 184-р байр хүртэл унасан аж.

Б.Энх-Амгалан