Раллигийн ДАШТ-ий энэ улирлын сүүлийн шат өнөөдөр Австрали улсад нээлтээ хийж байна. Гурван өдөр үргэлжлэх тус уралдааны өмнө оролцогчид 5.02 км урттай замд сорил уралдаан хийжээ. Боедс Рөүдэд болсон уг сорилыг Хьюндэй багийн Бельги нисгэгч Тьерри Нэвилл тэргүүлжээ. Тэрбээр нийт замыг 2 минут 56.3 секундын хугацаанд туулсан нь өчигдөр хамгийн өндөр үзүүлэлт болсон байна. Тэгвэл дараагийн байранд Форд багийн Их Британийн нисгэгч Эльфрин Эванс, Ситройн багийн Фран нисгэгч Стефан Лефеб нар оржээ.
Хэдий хамгийн сайн хугацааг үзүүлэн ч Т.Нэвилл техникийн ассуудалтай тулгарсан байна. Тэрбээр замаа дуусгаад удалгүй багийнхаа инженерүүдэд хандан шаардлага тулгарсан бөгөөд түүний i-20 машины хөдөлгүүрээс тос алдаж байжээ.
Өнөөдөр эхлэж байгаа 26 дахь удаагийн Австралийн ралли ням гарагт өндөрлөнө. Эхний өдөр баг тамирчид нийт 3 шатны уралдаан хийх хуваарьтай байгаа аж.
Г.Баяраа
| Уншиж байна |