Африк тивийн хөлбөмбөгийн холбооноос шилдгүүдийг тодруулах сонгууль ажил явуулж эхэлжээ. Уг сонгуульд 2018 оны шилдэг хөлбөмбөгчин тодруулах санал асуулгад Гана улсын шигшээ багийн хослол болох Кристиан Ацу болон Томас Партей нар нэр дэвшээд байна.

Уг санал хураалтад Африк тивийн 30 шилдэг хөлбөмбөгчин өрсөлдөж байгаа юм.

Тус хоёр тоглогч нь хоёулаа Атлетико Мадрид болон Нью Кастл гэсэн Европын томоохон хоёр багт хүчин зүтгэдэг тоглогчид юм. Үүнээсээ гадна уг хоёр тоглогч Гана улсын шигшээ багт хүчин зүтгэж, 9 сард болсон ДАШТ-ий урьдчилсан шатны тоглолтод Конго улсын багийг 5:1 харьцаатай бут ниргэхэд Томас Партей хэт трик толилуулж байлаа. Уг үзүүлэлтээрээ нэгэн арваны хугацаанд хэт трик хийсэн Гана улсын хөлбөмбөгийн түүхэн дэх цор ганц тоглогч хүртэл болоод амжсан юм.

Санал асуулгын хариуг гаргахад Африкын хөлбөмбөгийн холбооны гишүүн орнуудын дасгалжуулагч нар болон холбоодын техникийн зөвлөлийн дарга нар, хэвлэл мэдээллийн ажилтнууд зэрэг холбооны ажилтнуудын санал асуулгаар тодруулах аж.

Уг санал асуулгын хариу 2018 оны нэгдүгээр сарын 4-нд гарна.

Б.Энх-Амгалан