-81 кг-д хүч үзэн барилдаж буй ААШТ-ий хошой хүрэл медаль О.Ууганбаатар хоёрдугаар тойрогтоо Италийн бөх Антонио Эспоситотой барилдлаа. Хоёр бөхийн барилдаан эн тэнцүүхэн өрнөж байсныг үндсэн цаг болон нэмэлт цагт ямар нэгэн үнэлгээ, торгууль хэн хэн нь аваагүйгээс харж болно. Ингээд уг барилдаан нэмэлт цагт алтан үнэлгээгээр шийдэгдэх болсон. Манай бөхтэй барилдсан Италийн бөх нь энэ жилийн Загребийн гран прид хүрэл медаль хүртсэн 22 настай тамирчин байсан юм.

Барилдааны нэмэлт цаг эхлээд 1:04 минут өнгөрч байхад манай бөх өрсөлдөгчөөсөө вазари үнэлгээ салгаж чадсанаар ялалт авлаа. Түүний хувьд 1/8 шигшээд Германы тамирчин Доминик Ресселтэй барилдана.

Б.Энх-Амгалан