Уарриорс багийн тоглогч, дасгалжуулагч асан Алл Аттлэс эмнэлэгт хэвтжээ. Үүний улмаас тэрбээр Баасан гаригийн тоглолтын үеэрх арга хэмжээнд хамрагдаж чадахгүй болсон байна. Энэ үеэр түүний 60 шахам жил уг багтай холбоотой байсан хөдөлмөрийг үнэлж, тэмдэглэн өнгөрүүлэх арга хэмжээ төлөвлөөд байсан юм байна.

11 сарын 7-нд 81 нас хүрэх ахмад тоглогч, дасгалжуулагчийн биеийн байдал сайн байгаа талаар Уарриорсын хэвлэлийн төлөөлөгч Рэймонд Риддэр мэдэгдлээ. Гэхдээ нарийн тодорхой мэдээлэл өгөхөөөс татгалзсан байна.

Гэхдээ Вашингтон Визардсын эсрэг баасан гаригийн уг тоглолтыг түүнийг хүндэтгэх тоглолт болгосон шийдвэрээ буцаагаагүй байна. Тус тоглолтын үеэр ирсэн үзэгчдэд түүнийг дуурайлган хийсэн санжигануур толгой бүхий тоглоомыг өгөх бол, тоглогчид түүний зурагтай подволкоор жигдрэх юм.

Түүний хувьд 1962 оны 3 сарын 2-нд Уилт Чэмберлэйнийг 100 оноо авсан тоглолтонд оролцсон гэрчүүдийн нэг бөгөөд багтайгаа 58 жил хамт байгаа юм. Мөн 1975 онд аварга авсан тус багийг дасгалжуулж байсан бол 40 жилийн дараа дахин нэг удаа аваргын цом өргөхөд мөн багтайгаа хамт байсан билээ.

Б.Энх-Амгалан