Д.Төмөрхүлэг энэ өдрийн гурав дахь барилдаандаа Израйлийн бөх Тал Фликэртэй учраа тааран барилдлаа. Тал Фликэрийн хувьд энэ жилийн ДАШТ-ий хүрэл медальт тамирчин юм. Хоёр жүдочны барилдаан эхлээд 1:13 минут өнгөрч байхад манай бөхийг идэвхигүй барилдсан гэж шидо торгуулиар торгосон. Улмаар удалгүй эсрэг бөх вазари үнэлгээ авч чадсан. Иймээс манай бөх үлдсэн цагт үнэлгээг тэнцүүлэх шаардлагатай болсон юм. Ингээд 1:44 минут үлдээд байх үед эсрэг тамирчин манай бөхийн довтолгоон дээр хариу мэх хийж хоёр дахь вазаригаа авсан.

Энэ үнэлгээгээ хадгалж үлдэхэд хангалттай гэдгийг Израйлийн тамирчин сайн мэдэж байсан юм. Улмаар үнэлгээгээ хадгалж, үндсэн цагийг дуусгаснаар Израйлийн бөх 1/4 шигшээд шалгарч байна. Харин манай бөхийн хувьд дагах барилдаанд барилдахаар болж байгаа юм.

Б.Энх-Амгалан