Европын шилдэг сагсан бөмбөгийн клубүүдийн нэг Испанийн Реал Мадрид дасгалжуулагч Пабло Ласотой гэрээгээ сунгажээ. 2011 оноос хойш Мадрид хотын багт ажиллаж байгаа 50 настай Испани мэргэжилтэн одоогийн хүчирхэг Реалыг өөрийн гараар босгосон нэгэн. 2015 онд Европ тивийн шилдэг дасгалжуулагчийн шагналыг хүртэж байсан түүнтэй баг нь дахин 2 жилийн гэрээний сунгалт хийсэн аж.

Тоглогч ахуйдаа Испани, Италийн лигүүдэд өрсөлдөж байсан  тэрбээр Реал Мадридыг удирдсанаас хойш 13 цом хүртээд байгаа. Түүний баг 2015 онд Евролигийн аварга цолыг хүртснээс гадна, Испанийн лигт 3 удаа, Испанийн цомын тэмцээнд 5 удаа, Сүпер цомд 3 удаа мөн түрүүлсэн юм.

Г.Баяраа