Формула нэгийн АНУ-ын гранпри тэмцээний эхний таван тойргийг Фэрраригийн Себастиан Феттель тэргүүлж эхлүүллээ. Гэхдээ барианд орох мөчид Мерседесийн нисгэгч Луис Хамилтон 33 минут 50.991 секундын амжилтаар өрсөлдөгчөөсөө 10 секундын өмнө барианд орсон байна.

Харин Феттелийн хамтрагч Кими Райконнэн сүүлийн тойрогт Рэдбуллын Макс Верстаппэнийг дүрэм зөрчсөн гэж үзсэнтэй холбоотойгоор гуравдугаар байранд орсон юм. Уралдааны үр дүнд мерседес зохион бүтээгчдийн цомыг авах боломжтой боллоо. Харин жолооч нарын хоорондын уралдаан дараа долоо хоногт Мексикийн гараагаар шийдэгдэнэ.

Хамилтон “Багийнхандаа баярлалаа гэж хэлмээр байна. Үйлдвэрийн бүх ажилчид маш сайн ажилласан. Фэррари шиг хүчтэй багийн эсрэг бүтэн жилийн бүх уралдааны турш өрсөлдөх амаргүй байлаа. Үнэхээр сайхан байна. Манай залууст ч гэсэн сайхан байгаа гэдэгт итгэлтэй байна” гэжээ.

Феттелийн хэддүгээр байранд орохоос үл шалтгаалж Хамилтон 5 дугаар байр буюу түүнээс дээгүүр байранд ороход л нийлбэр дүнгээр ялагч болох юм. Хэрвээ ямар нэгэн осол гарчихгүй бол энэ нь хамгийн боломжит үр дүн болох биз.

Б.Энх-Амгалан