Испанийн нэрт хөлбөмбөгчин Шаби Алонсо өнгөрсөн зун мэргэжлийн тамирчны замналдаа цэг тавьсан билээ. Реал Сосьедад, Ливерпүүл, Реал Мадрид, Байерн Мюнхен  зэрэг шилдэг багуудад тоглож явсан тэрбээр тун удахгүй дасгалжуулагчийн замналаа эхлүүлж, сонирхогчдын хөлбөмбөгийн багийг удирдах болсон байна.

Алонсо тамирчин ахуйдаа Карло Анчелотти, Жозе Моуринью, Пеп Гуардила, Рафаэль Бенитез нарын Дэлхийн шилдэг мэргэжилтнуудийн удирдлага дор тоглож асар их туршлага хуримтлуулсан нэгэн.

Түүний удирдах “Танго Скуад” баг нь Их Британи, Испани, Мексик, Герман, Франц, Италийн чадварлаг залуу тоглогчдоос бүрдсэн бөгөөд Адидас компанитай хамтарч Европ тивийн орнуудаар аялан тоглолт зохион байгуулахаар зэхэж байгаа гэнэ. Тэдний аялал энэ сарын 16-ны өдөр Испанийн нийслэл Мадрид хотоос эхлэх ажээ.

Г.Баяраа