Нью Орлеанс Пэликанс багийн холбон тоглогч Ражон Рондо ивэрхий засуулах мэс ажилбар хийлгэж магадгүй байна. Чикаго Буллз багийн хамтаар өнгөрсөн улиралд давгүй амжилтыг үзүүлсэн холбон тоглогчийн хувьд энэ жил нэг жилийн 3.3 сая ам.долларын гэрээгээр Нью Орлеанс хотод ирээд байсан юм. Анхан шатны үзлэгээр спортын ивэрхий байгаа бөгөөд, тоглоход нь бага зэрэг саад учруулж болзошгүй гэсэн эмчийн дүгнэлт гараад байна. Түүний хувьд маргааш Филаделфи хотод очиж нарийн мэргэжлийн эмчид үзүүлэхээр болжээ. Хоёр дахь тоглолтын өмнөх багийн бэлтгэл дээр энэ зовиур илэрсэн гэнэ.

Багтай шууд холбогдох хүмүүсийн мэдээлж байгаагаар төдийлөн ноцтой гэмтэл биш гэнэ. Зарим тохиолдолд ивэрхий засуулах мэс ажилбар хийлгэхгүй байх тохиолдол ч байдаг талаар дурьдаад амжлаа. Хамгийн муугаар бодоход 1 сарын хугацаанд л талбайд гарахгүй байх магадлалтай юм байна.

Хэрвээ Рондо талбайд гарахгүй бол Жрү Холидей холбогчийн байрлалд тоглож, Этуан Мүүр хамгаалагчийн байрлалд тоглох юм.

Б.Энх-Амгалан