Мэргэжлийн дугуйн элит ангилалд багтдаг Испанийн Мүвистар баг үндсэн бүрэлдэхүүндээ нутгийн тамирчинг авчээ. Багийн удирдлагууд өчигдөр Рафаэль Валлтай 1 жилийн гэрээ хийснээ албан ёсоор зарласан байна.

Хэдийгээр  Р.Валлийн хувьд Испанийн хамгийн шилдэг “роль” дугуйчдын тоонд багтдаг ч гэмтэл бэртэлээс салдаггүй нэгэн. 30 настай Испани эр энэ улиралд Лампре Мерида багтай гэрээтэй байгаа ч тэмцээн гэмтлээс шалтгаалж бараг уралдаанд оролцоогүй байна. Түүний мөрний гэмтэл одоо ч бүрэн эдгээгүй байгаа аж.

2015 онд Мэжор ангиллын Оманы аялал уралдаанд түрүүлж шуугиан тарьж байсан тэрбээр удалгүй бэлтгэлийн үеэр осолд орж 2016 оны улирлыг бүтэн өнжиж байсан удаатай. Улмаар 2017 оны Дэлхийн цувралыг амжилттай эхлүүлсэн ч өнгөрсөн хавар Бельги улсад болсон уралдааны үеэр мөн осолд орсноос хойш нэг ч удаа дугуйн замд гараагүй аж.

Мэргэжилтнүүд Мүвистар багийн Р.Валлтай хийсэн уг гэрээг багагүй эрсдэл дагуулна гэсэн байна.   

Г.Баяраа