МХБХ-ны “Хүрхрээ Үндэсний лиг”-ийн тэмцээний 2017 оны улирал энэ долоо хоногт өндөрлөнө. Лигийн хуваарь ёсоор өнөөдөр сүүлийн тойргийн 2 тоглолт болох нь мөнгө, хүрэл медалиудын эздийг шийдэх аж. Энэ жилийн хувьд Эрчим клуб дээд амжилтаа ахиулж 11 дэх удаагаа лигийн аварга болсноос гадна гурван жил дараалан лигийн аварга болсон анхны бөгөөд цорын ганц баг болоод байгаа.

Харин мөнгө, хүрэл медалийг хүртэх багууд нь Улаанбаатар сити, Алтетик220 клубүүд юм. Энэ багуудын хувьд өнөөдөр сүүлийн тойргийн тоглолтоо хийх билээ.

1. Хангарьд - Улаанбаатар сити (Эрдэнэт хот)

Монголын шилдэг клубүүдын тоонд зүй ёсоор багтах Хангарьд сүүлийн тойргийн тоглолтыг гэрээ хүлээн авна. Энэ удаад лигийн мөнгөн медалийг горилж байгаа Улаанбаатар сити клуб зочлох юм. 35 оноотой лигийн хүснэгтийг дэд байранд байгаа тэдэнд зөвхөн хожил хэрэгтэй. Учир нь хожигдох эсвэл тэнцсэн тохиолдолд хүрэл медаль руу байр ухрах аюул тэднийг дагаж байгаа. Гэхдээ тэдний хувьд мөнгөн медаль зүүх эсэхээ өөрсдөө бүрэн шийдэх учиртай.

Хангарьд - Улаанбаатар Сити багууд энэ улиралд бүх тэмцээнийг оролцуулан 2 удаа учраа таарахад тус бүр нэг удаа бие биенийгээ хожсон юм. Зуны наймааны цонхоор Хангарьдаас Улаанбаатар Ситид ирсэн, өнгөрсөн улирлын мэргэн бууч О.Мижиддорж хуучин багийнхаа эсрэг анх удаа тоглох гэж байгаа нь юм.  Шигшээ багийн шилдэг залуусаар хүч нэмсэн Сити өнгөрсөн мягмар гарагт МХБХ-ны цомын хагас шигшээд Эрчимыг буулган авч финал өрсөлдөх эрхтэй болсон. Энэ ялалт магадгүй тэдэнд том урам өгсөн болов уу. Энэхүү чухал тоглолт өнөөдөр 15 цагаас эхлэх  аж.

1. Сэлэнгэ Пресс – Атлетик220 (МХБХ Цэнгэлдэх хүрээлэн)

Энэ өдрийн 2 дахь тоглолт харин Сэлэнгэ Пресс-Атлетик220 багуудын хооронд болно. Улаанбаатар ситигээс ердөө 1 онооны зөрүүтэй хүснэгтийн 3-р байранд жагсаж байгаа Атлетик220 багийн хувьд өмнөх багаа бүдрэх, эсвэл оноо алдахыг хүлээж байгаа нь гарцаагүй. Гэхдээ тэдний хүссэн үр гарсан ч тэд хүснэгтийн 4-р байранд байгаа Сэлэнгэ Прессийг хожиж давхар даалгавартай байгаа юм. Алтетик220 багаас энэ жил довтлогч Н.Наранболд Үндэсний лигийн мэргэн буучдыг хүснэгтийг тэргүүлсээр байгаа, түүний сайн форм багийн том давуу талуудын нэг болоод байгаа билээ. Уг тоглолт өнөөдөр 19:00 цагт эхлэх юм.

Харин маргааш энэ тойргын сүүлийн 3 тоглолт болсноор Монголын хөлбөмбөгийн холбооны хамгийн нэр хүндтэй тэмцээн өндөрлөх учиртай.

Шууд дамжуулалтыг эндээс үзнэ үү..

Г.Баяраа