“Хөх чоно” группийн үүсгэн байгуулагч Ө.Пүрэвбаатарын ууган хүү П.Мөнхтулга топ модель С.Ариунбилэгтэй хамтран амьдраад багагүй хугацааг үдээд байгаа билээ. Үерхэсэн цагаасаа эхлэн хаа ч явсан цуг байдаг хосууд маань бие биенийхээ энхрийлж дуудах дуртай аж.

Тодруулбал, П.Мөнхтулга С.Ариунбилэгийг "Миний эрх муужгай" хэмээн өхөөрддөг гэнэ. Харин С.Ариунбилэг найз залуугаа миний хайр, хонгороо гэхээсээ илүү "My hero", "Му darling" гэж дууддаг ажээ.

Сонирхуулахад, С.Мөнхтулга нийгмийн идэвхит ажил хэрэгч залуугийн дүрээр л олон нийтэд танигдахаас биш баян айлын “бандгар” эрх жаал шиг харагдахыг хүсдэггүй гэнэ лээ.

П.Мөнхтулга “Bentley”-гээр гангарсан шиг давхиж явдаг нь түүнийг эгэл боргил айлын хүүхэд бишийг илтгэж байв.

МУИС Олон улсын харилцаа, МУИС-ийн хууль эрх зүйн анги тус тус дүүргэсэн түүний хувьд Бээжинд брокерийн чиглэлээр суралцаад ирсэн. Бизнесийн хүрээнд “Хөх чоно” группийн үүсгэн байгуулагчид болох Ө.Пүрэвбаатар, С.Төмөрчөдөр нарын нэр алдар хэдийнэ дуурссан ч тэд өөрсдөө хэвлэлийн дуран хараанд өртөөд байдаггүй билээ.

Б.Дэжид