Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит Марш тактикийн аварга шалгаруулах тэмцээний өнгөрөгч амралтын өдрүүдэд амжилттай болж өнгөрлөө.

Тэмцээний нэгдүгээр байрт Ахлах ахлагч Х.Гантулга захирагчтай Зэвсэгт хүчний хоёрдугаар салаа 0:24:59 амжилтаар шалгарсан бол Дэслэгч Б.Анхбаяр захирагчтай Зэвсэгт хүчний нэгдүгээр салаа 0:33:38 амжилтаар хоёрдугаар байр, Хошууч Ч.Цолмонбаяр захирагчтай Хил хамгаалах ерөнхий газрын салаа 0:34:46 амжилтаар гуравдугаар байрт тус тус шалгарсан байна. Харин хугацаат цэргийн алба хаагчдын төрөлд Дэслэгч Г.Жавхлантөгс захирагчтай Зэвсэгт хүчний нэгдүгээр салаа 1:17:14 амжилтаар нэгдүгээр байр, Дэслэгч Б.Буяндэлгэр захирагчтай Зэвсэгт хүчний хоёрдугаар салаа 1:27:50 амжилтаар хоёрдугаар байр, Ахмад Б.Ганбаяр захирагчтай Хил хамгаалах ерөнхий газрын салаа 2:21:20 амжилтаар гуравдугаар байрт тус тус удаалжээ.

Түүнчлэн эмэгтэй тасаг шалгарлуулах төрөлд  Дэслэгч Л.Саранзаяа тасгийн захирагчтай Зэвсэгт хүчний хоёрдугаар тасаг 0:19:37 амжилтаар шилдгээр шалгарсан бол Ахлах ахлагч Д.Оюунчимэг тасгийн захирагчтай Зэвсэгт хүчний нэгдүгээр тасаг 0:21:21 амжилтаар, Дэслэгч О.Нинжбадгар тасгийн захирагчтай Хил хамгаалах Ерөнхий газрын тасаг 0:45:11 амжилтаар тус тус удаалсан байна. 

Б.Дэжид