Хуульзүйн байнгын хорооны хуралдаанаар Хуульзүйн сайд Х.Тэмүүжинг огцруулах асуудлыг хэлэлцлээ. УИХ-ын гишүүн О.Баасанхүү Хуульзүйн сайд Х.Тэмүүжин хууль зөрчсөн хэмээн  огцруулах үндэслэлдээ дурдсан байсан.  Огцруулах үндэслэлүүдийг Х.Тэмүүжин сайд үгүйсгэлээ.

:

Хуульзүйн сайд Х.Тэмүүжин:

- Хариуцах салбараа удирдах чадваргүй гэсэн байна. 2012, 2013 онд гэмт хэрэг өссөн. Энэ нь нийгэм, эдийн засагтай шууд холбоотой. Эдийн засгийн нөхцөл байдлаас шалтгаалаад гэмт хэрэг байнга өсч байдаг. Жишээ нь 2000-2003 онд гэмт хэрэг огцом өсч байсан. 2007 оны хямралаас мөн гэмт хэрэг огцом өсч байсан байна. Энэ удаагийн гэмт хэргийн өсөлтөд хоёр зүйл нөлөөлсөн. Нэгдүгээрт эдийн засаг, хоёрдугаарт цагдаагийн байгууллагын үйл ажиллагаанд гэмт хэрэг зөрчил бүрийг бүртгэдэг болсон. Цаашдаа ч өсөлт бий болох байх. Шүүхийн шийдвэр гүйцэтгэл дээр мөн нэлээн асуудал ярьсан байна. Энэ газар байнга шүүмжлэлтэй байдаг. Ялангуяа хүний эрхийн байгууллагаас хорих ял эдэлж байгаа нөхцөл байдлыг хүний эрхийг хангахгүй, хорих байр нь стандартын түвшинг хангаагүй байна гэдэг. Үүнийг шийдэхийн тулд шинэ хорих байр бариад хүний эрхийг зөрчиж байна гэж шүүмжлүүлэхээ болъё гэсэн асуудлыг хөндсөн.  Эмирай аппаратыг ажиллуулахыг зогсоосон. Учир нь барилгын ажил дуусаагүй байгаа. Аппаратад ямар нэг гэмтэл байхгүй гэх зэргээр тайлбар хийв. Түүнийг ийн тайлбар хийх явцад Хуульзүйн байнгын хорооны дарга Ш.Түвдэндорж “хуралдааныг хойшлуулах горимын санал гаргаж байна. Үүгээр санал хураая” гэв.

.

УИХ-ын гишүүн Б.Бат-Эрдэнэ:

-Засгийн газрын гишүүний ёс зүйн шаардлагыг хангахгүй байгаатай холбоотой асуудал гарчээ. Хар тамхитай холбоотой асуудалд ч холбогдсон байна. Тийм учраас гишүүн Д.Ганбатын гаргасан горимын саналыг дэмжиж, цаашид судлах хэрэгтэй байна. Цагдаагийн байгууллага Засгийн газрын гишүүнийг хууль бусаар тагнаж, чагнах үйл ажиллагаа явуулсан байна уу гэдгийг судлах хэрэгтэй  гэлээ. Харин

.

О.Баасанхүү гишүүн:

-Надад баримт байна. Үүнийгээ дэлгээд хэлэлцээд явъя. Яагаад хойшлуулах гээд байгаа юм  бэ гэсэн боловч тусыг эс олов.

Ийнхүү санал хураалт явуулахад Хуулзүйн сайд Х.Тэмүүжинг огцруулах эсэх асуудлыг судлах шаардлагатай байгаа тул үргэлжлүүлэн дараа хэлэлцье гэж байнгын хорооны гишүүдийн олонхи нь дэмжив.

:

Н.Энх