УИХ-ын чуулганы нэгдсэн хуралдаан үргэлжилж байна. Хуралдаанаар Засгийн газрын сайд нар гишүүдийн асуулгад хариулж байна. Д.Ганбат гишүүний асуулгад Уул уурхайн сайд хариулсан бол одоо Су.Батболд гишүүний асуулгад ҮХАА-н сайд Х.Баттулга хариулж байна. Гурилын 23 үйлдвэрт 48,7 тэрбум төгрөгийн зээл олгож, эргэн төлөлт нь 90 хувьтай байгаа аж. Нөөцийн махыг Улаанбаатар хотод хуралдаалж байгаа.  Асуулгатай холбогдуулан Х.Баттулга сайд гишүүдийн сонирхсон асуултад хариулж байна.

55

УИХ-ын гишүүн Л.Эрдэнэчимэг:

-Чингис бондоос сүүний чиглэлээр зээл олгоно, фермерийн аж ахуй хөгжүүлнэ гэж байсан. Энэ ажил ямар явцтай байна вэ?

-Эрчимжсэн мал аж ахуйд сүүний чиглэлийн үхрийг импортоор оруулж ирэхээд 230 тэрбум төгрөгийг аж ахуйн нэгж хүссэн. Сүүний чиглэлээр Францад болсон мах, сүүний чиглэлийн үзэсгэлэнд оролцсон.

5

УИХ-ын гишүүн Ж.Батсуурь:

-Хүнсний гол нэрийн бараа бүтээгдэхүүний үнийг тогтворжуулна гэж хөрөнгө гаргасан. Энэ хөтөлбөр үр дүнгээ өгсөн үү? Бараа бүтээгдэхүүний үнэ хямдарсангүй, гэрлийн хурдаар өсч байна. Ард түмний амьдрал байнга доройтож байгаа. Саяхан шүлхий өвчин говийн аймгуудад гарлаа. Энэ нь шат шатандаа хариуцлага алдсанаас болсон гэж байна. Энэ ажлыг хэрхэн зохион байгуулсан бэ?

-Энэ бол үнэ тогтворжуулах хөтөлбөр. Мах, гурил хоёр инфляцид нөлөөлдөг. Өмнөх үетэй харьцуулахад үр дүнтэй болсон. Хот сууринг тойруулаад эрчимсэн мал аж ахуйг байгуулна. Шүлхийг нэгдүгээр сараас гуравдугаар сар хүртэл ажилласан.  Вакцинжуулалт, малчид, малын эмчийн асуудалд анхаарах хэрэгтэй. Өнөөдөр бид биокомбинатыг шинэчлэх хэрэгтэй байна. Орчин үедээ тохирсон биокомбинат барих хэрэгтэй. Төрөөс малчдад урамшуулал өгөхдөө малаа вакцинжуулсан шаардлага тавих тал дээр ярьж байна.

6

УИХ-ын гишүүн Л.Цог:

-Махны экспортын бодлогын боломж хэр байдаг бэ? Хэр жин дарах бол. Сүүний хэрэгцээг Монголдоо бүрэн хангачихмаар байна. Иргэд ихэнх нь импортынхыг авах юм.

-Сүүний чиглэлд эрчимжсэн мал ахуй руу түлхүү анхаарна. Эрчимжсэн аж ахуйн хөгжил муу байна. Зээл авахад банкны барьцааны шаардлага хангахгүй, бяр суугаагүй байгаа. Тээврийн асуудал үүсч байна. Бид хот суурин газрын сүүний хэрэгцээг хангана. Зүүн аймгууд тал газар байдаг. Тийм учраас зээрийн нүүдэл ихтэй. Шүлхий гарах нь үүнээс нөлөөлдөг байх магадлалтай. Бид хүнсний бүтээгдэхүүний 70 хувийг Монголоо үйлдвэрлэхээр ярьж байна.

6

УИХ-ын гишүүн О.Баасанхүү:

-Махны үнийг нөөц бэлдэх байдлаар баримааргүй байна. Мах олдохгүй байгаа учраас нөөцлөөд байгаа юм биш. Нөөцийн мах гаргаснаар үнэ хямдраад байна гэж үзэхгүй байна. Зах дээр мах байна шүү дээ. Махны үнийг хямдруулмаар байна. Хүнсний гол нэрийн барааны үнэ өссөн. Үүнд өндгийг оруулсан уу. Ард түмний амьжиргаа  хүнсний гол нэрийн барааны үнэ нэмэгдсэнээс болоод  муудаад байна.

-Нөөцийн махаар хөтөлбөр хэрэгжээгүй бол махны үнэ өнөөдөр бүр ч өндөр байх байсан. Бид эрчимжсэн аж ахуйгаар мах, сүүний үнийг барина. Өөр арга одоогоор байхгүй.

Ийнхүү Хүнсний гол нэрийн бүтээгдэхүүний үнийг тогтворжуулах дэд хөтөлбөртэй холбоотой асуулт хариулт дууслаа. Асуулга тавьсан гишүүн Су.Батболд уг хөтөлбөрийг үр дүнд хүрсэнгүй гэж үзэж байгаа юм. Нөөцийн мах бэлтгэлийн тогтолцоонд өөрчлөлт гаргах хэрэгтэй гэж тэрбээр хэлж байлаа.

6

Чуулганы хуралдаан үргэлжилж байна.

6

Н.Энх