УИХ-ын 2014 оны хаврын ээлжит чуулган өнөөдөр 09.00 цагт гишүүдийн 71.4 хувийн ирцтэйгээр нээлтээ хийлээ. Хаврын чуулганы нээлтэд Монгол Улсад суугаа гадаад орнуудын дипломат төлөөлөгчдийн газруудын тэргүүн нар уламжлал ёсоор оролцов. Түүнчлэн энэ чуулганы нээлтээс эхлэн парламентад суудалгүй улс төрийн хүчний төлөөлөл оролцож байгаагаараа онцлогтой.  Хаврын чуулганыг нээж УИХ-ын дарга хэлсэн үгэндээ:

6

-Хаврын чуулганд хууль санаачлагчид, байнгын хороод, УИХ дахь намуудын бүлэг, эвсэлээс 252 хууль, тогтоолын төслийг хэлэлцүүлэхээр санал гаргасан ч дөнгөж 52 хууль тогтоомжийн төсөл өргөн баригдсан байна. Өргөн мэдүүлсэн болон санал болгосон хууль, тогтоол, шийдвэрүүдийн төслүүдийг судалж үзэхэд улс орны өмнө тулгамдсан гол асуудлыг хөндсөн, тооцоо судалгааг нарийвчлан хийж боловсруулсан, хэлэлцэхэд бэлэн болсон төслүүд цөөн байна. Тийм болохоор өргөн баригдсан болон хэлэлцүүлэгийн шатанд байгаа төслүүдээс улс орны хөгжил, эдийн засаг, нийгмийн амьдралын амин чухал шаардлагатай бодлогын асуудлыг хөндсөн хууль тогтоомжийг бодит хэрэгцээ, шаардлага, ач холбогдлоор зөв эрэмбэлж цаг алдалгүй хэлэлцэж батлах нь чухал гэж үзэж байгаа. Мөн хоёр оронтой тоонд байгаа эдийн засгийн өсөлтөө тогтворжуулах, эрчээ алдахгүй байх бодлого чухал байгаа, түүнчлэн их бүтээн байгуулалтыг идэвхижүүлэх, эдийн засгийн бодит секторыг дэмжих эрх зүйн орчныг улам боловсронгуй болгох хэрэгтэй байна. Ашигт малтмалын тухай хуульд нэмэлт өөрчлөлт оруулсанаар олон жил царцсан хайгуулын тусгай зөвшөөрлийг зөвхөн зөвшөөрөгдсөн газарт олгох, түүнчлэн хариуцлагатай уул уурхайн зарчмууд шинээр орсноор байгаль орчны нөхөн сэргээлт шинэ шатанд гарах болно гэдгийг онцоллоо. Мөн УИХ-ын дарга намрын чуулганы хугацаанд БНСУ-д хийсэн албан ёсны айлчлалынхаа үр дүнгийн талаар дурдлаа.

6

Хаврын чуулган ийнхүү нээлтээ хийлээ. Одоо УИХ дахь намын бүлгүүд хуралдана.

6

Н.Энх

Гэрэл зураг П.Наран