Сүхбаатар дүүргийн МАН-ын хорооны анхан шатны үүрээс МАН-ын экс дарга С.Баяр, УИХ-ын гишүүн Сү.Батболд,  Байгаль орчны экс сайд Д.Цогтбаатар нарыг хассан тухай мэдээллийг гарсан. Энэ мэдээлэлтэй холбогдуулан Сүхбаатар дүүргийн МАН-ын хорооны дарга Г.Төмөрбаатараас зарим зүйлийг тодрууллаа.

5

-Сүхбаатар дүүргийн МАН-ын хороо саяхан хуралджээ. Хуралдаанаар ямар асуудал хэлэлцсэн бол?

-Сүхбаатар дүүргийн МАН-ын хороо өчигдөр хуралдсан. Хоёр жилд нэг удаа хуралддаг дүрэмтэй. Хуралдаанаар өнгөрсөн хоёр жилд хийсэн ажлаа тайлагнаж, намын дарга, дэд даргаа томилж, зохион байгуулалт хэлэлцсэн.

5

-Намын хорооны даргаар та улиран сонгогдоо юу?

-Тийм ээ, би Сүхбаатар дүүргийн МАН-ын хорооноос бага хуралд зургаан удаа, намын хорооны даргаар тав дахь удаагаа сонгогдож байна.

5

-Энэ удаагийн хуралдаанаар МАН-ын хорооны анхан шатны үүрээс МАН-ын экс дарга С.Баяр, УИХ-ын гишүүн Сү.Батболд, Байгаль орчны экс сайд Д.Цогтбаатар нарыг хассан сураг байна. Энэ үнэн үү?

-Дүүргийн намын хорооны хурлаар бага хурлын гишүүн, төлөөлөгчдийг нэр дэвшүүлэн олонхиороо сонгосон. Хурал дүрмийн дагуу л явагдсан.  Хуралд оролцсон гишүүдийн хэн нь ч дээрх хүмүүсийн нэрийг дэвшүүлээгүй. Дээрх  хүмүүсийн зарим нь УИХ-ын гишүүн, МАН-ын бага хурлын гишүүд.  Намын  дүрэмд ч  дээрх хүмүүсийг хасна, авна энэ тэр гэсэн заалт байхгүй.  Надад энэ хүмүүсийг хасах эрх нь ч байхгүй.  Ер нь бол бидэнд хамаагүй асуудал.

5

-Тэгвэл яагаад энэ яриа гарсан юм бол?

-Наад яриа чинь дарга нарын хооронд хов зөөж, хэл ам хийдэг хүмүүсээс л гарсан байх. Дээрх хүмүүсийг дүүргийн МАН-ын хорооноос хасаагүй, бас төлөөлөгчөөр нэр нь ч дэвшигдээгүй.

5

Н.Энх