Олон улсын жишигт нийтийн үйлчилгээний газрын ариун цэврийн өрөөгөөр үйлчлүүлэхэд төлбөр хураамж авдаг тогтолцоо байдаггүй. Харин ганцхан манайд л хэрэгждэг энэхүү гаж үзэгдлийг таслан зогсоох үүднээс “Нийслэлийн худалдаа үйлчилгээний журам”-д энэ асуудлыг тусгасан. Энэ сараас хэрэгжих байсан ч өнөөг хүртэл төдийлөн биелэлээ олохгүйгээс ШӨХТГ-т ирэх гомдол тасрахгүй байгаа аж. Иймд тус газраас Нийслэлийн төвийн 6 дүүргийн засаг даргад нийтийн үйлчилгээний газруудын бие засах газрыг төлбөргүй болгож, хэрэглэгчийн эрх ашгийг хамгаалах ажил зохион байгуулах мэдэгдлийг хүргүүлжээ.

Дээрх журмын 4.18-д зааснаар үнэ төлбөргүйгээр ариун цэврийн өрөө ажиллуулах газарт үзвэр үйлчилгээ, эмнэлэг, томоохон зах худалдааны төв, супермаркетууд хамрагдах юм. Одоогийн байдлаар “Тэнгис” кино театр, “Номин”-ийн сүлжээ дэлгүүрүүдэд ШӨХТГ-аас дээрх журмыг мөрдүүлэн ажиллуулжээ.

А.Жаргал